“Баланың Шығармашылық қабілетін дамыту”
Баланың шығармашылығы ол естіген дыбыстардан басталады.
Кеңес: Үйде тек балалар әндерін емес, классикалық музыканы (Моцарт, Вивальди) және ұлттық күйлерді (Құрманғазы, Тәттімбет) жаймен қойып қойыңыз. Музыка баланың ішкі жан дүниесін тыныштандырып, қиялын оятады.
2. «Шулы оркестр» (Үй жағдайындағы аспаптар)Қымбат аспап сатып алу міндетті емес, шығармашылық кез келген заттан басталады.
Кеңес: Бос пластик бөтелкеге бұршақ немесе күріш салып, "мақаракас" жасаңыз. Қасықтарды алып, соқпалы аспап ретінде пайдаланыңыз. Баламен бірге кез келген әнге ритм (ырғақ) ұстап үйреніңіз (шапалақтау, аяқпен тықылдату).
3. Дыбыстарды ажырату ойыны
Бұл баланың музыкалық есту қабілетін дамытады.
Ойын: «Бұл не айтып тұр?». Көзін жұмғызып, айналадағы дыбыстарды тапқызыңыз (судың аққаны, құстың шиқылы, сағаттың тықылы). Немесе түрлі заттарды (шыны аяқ, ағаш тақта, темір қасық) ұрып, дыбыс айырмашылығын түсіндіріңіз.
4. Музыкалық-би терапиясыҚозғалыс пен музыка — егіз ұғым.
Кеңес: Музыканың сипатына қарай билеуді үйретіңіз. Егер музыка көңілді болса — секіру, жәй болса — қолды тербету. Балаға: «Қазір сен жаңбырсың, енді сен аюсың, ал қазір ұшып жүрген көбелексің» деп бейнелерді сомдауға мүмкіндік беріңіз. Бұл — актерлік шеберліктің бастамасы.
5. Ән айту — тілдің кілтіӘн айту арқылы баланың тыныс алу жолдары жақсарып, тілі анық шығады.Кеңес: Баламен бірге қарапайым халық әндерін немесе бесік жырларын айтыңыз. Сөздерін анық айтуға, дауыс ырғағын (жоғары-төмен) өзгертуге көңіл бөліңіз.
Шығармашылықты қолдау ережелері:Сынамаңыз: Бала сурет салса немесе өзінше ән айтса, «дұрыс емес» деп түзетпеңіз. Оның өз нұсқасын мақтаңыз.
Қолдау көрсетіңіз: Балаңыз үй ішінде «концерт» ұйымдастырса, оның ең адал көрермені болыңыз. Қол шапалақтау — ол үшін ең үлкен марапат.
Бояулармен ойнау: Музыка тыңдап отырып, сол әуенді суретпен бейнелеуді ұсыныңыз. Қандай түстерді таңдайды? Көңілді әнге — ашық түс, мұңды әнге — қою түс. Бұл баланың эмоционалды интеллектін дамытады.
Саз жетекшісінің түйіні:
«Әрбір бала — талантты». Сіздің міндетіңіз — оның бойындағы қабілетті дер кезінде байқап, оған еркіндік беру. Шығармашылықпен айналысқан баланың жаны таза, ойы ұшқыр болады.