«Болашаққа жемқорлықсыз»
2024 жылдың 26 қаңтар күні сыбайлас жемқорлықтың алдын алу мақсатында бөбекжай-бақшаның тәрбиеленушілерінің ата-аналары арасында жиналыс өткізіліп, ««Болашаққа жемқорлықсыз»» тақырыбында баяндама оқылды. Іс-шара барысында келешегіміздің туын жоғары көтерер жастарымызды осынау қоғамның дертінен сақтау, оларға дұрыс тәрбие беру, соның ішінде қоғам дерті сыбайлас жемқорлыққа қарсы төзбеушілікке бауулу ата-ана мен педагогтердің өлшеусіз еңбегінің нәтижесі болып табылатындығы туралы пікірлер айтылды. Жиналысқа келіп ой бөліскен ата-аналар іс-шара жұмысын қорытындылай келе балаларды шыншылдыққа бауылып, келеңсіз оқиғалардан, парақорлықтан бойын аулақ ұстауға тәрбиелеу баршамыздың негізгі мақсатымыз деген оймен түйіндеді. Бойына адалдық құндылығын сіңірген бүлдіршіндеріміз халықтың сенімін ақтап қоғамның тежеусіз дамуына үлес қосқан болар еді. Сыбайлас жемқорлықпен күрес жүргізу – мемлекеттік органдардың қызметкерлерінің, тұтастай қоғамның басты міндеті мен борышы, осы кеселге қатаң бағытталған мемлкеттік бағдарлама жоғарғы деңгейдегі жауаптылықпен іске асырылуы тиіс екендігін айтып қорытындылады.
