«Үйде балаға қозғалыс ойындарын ұйымдастыру»
Дене тәрбиесі маманы: Альпеисов А
Мақсаты:
Ата-аналарға үй жағдайында баланың қимыл-қозғалысын дамыту жолдарын түсіндіру.
Дене тәрбиесінің денсаулыққа, жүйке жүйесіне, көңіл-күйіне пайдалы әсерін көрсету.
Баланы салауатты өмір салтына баулу.
1. Қозғалыс ойындарының маңызы:
Қан айналымы мен тыныс алу жүйесін жақсартады.
Бұлшық еттерін нығайтады, икемділік пен ептілікті дамытады.
Балаға қуаныш, сергектік сыйлап, көңіл-күйін көтереді.
Ұжымдық ойында ұйымшылдыққа, достыққа тәрбиелейді.
2. Үй жағдайында қимыл ойындарын ұйымдастыру шарттары:
Үй ішінде қауіпсіз орын таңдау (сынғыш заттардан босату).
Ойын уақытын 10–15 минуттан бастап, біртіндеп ұзарту.
Баланың жас ерекшелігіне сай қарапайым қимылдардан бастау.
Ата-ананың өзі де қатысып, балаға үлгі болу.
3. Ата-аналарға ұсынылатын қозғалыс ойындары:
«Қояндар секірсін» – бала еденде сызықтан-сызыққа қоянша секіреді.
«Кім жылдам?» – ойыншықтарды бір жерден екінші жерге жүгіріп апару.
«Теңіз толқыны» – қол орамалды толқын етіп көтеріп-түсіру, бала соның астынан өтуі тиіс.
«Аю мен балалар» – ата-ана «аю» болып, бала тығылып, қашып ойнайды.
Доппен ойындар: «Допты домалат», «Қақпаға гол соқ», «Допты жоғары лақтыр да ұста».
4. Қозғалыс ойындарын ұйымдастыру кеңестері:
Әр ойынды қысқа, қызықты етіп өткізу.
Баланы шаршатпай, үзіліс жасап отыру.
Қимылдарды әуенмен, тақпақпен байланыстыру.
Әр жеңісі үшін мақтап, сенімділігін арттыру.
Қорытынды:
Үй жағдайында ұйымдастырылған қарапайым қозғалыс ойындары баланың денсаулығын нығайтып қана қоймай, ата-ана мен бала арасындағы жылы қарым-қатынасты күшейтеді. Қозғалыс – баланың дамуының басты кілті.