«Зейінсіз бала қайдан шығады?»
«Зейінсіз бала қайдан шығады?»
Пеадгог-психолог: Д.А.Дарибаева
Бұл сұрақ көп ата-ананы мазалайды. Баланың зейінінің төмен болуының бірнеше себебі бар:
1. Артық ақпарат пен гаджеттер
Баланы теледидар, смартфон, планшет тым көп алаңдатса, оның зейіні шашыраңқы болады. Шешім: экран уақытын шектеу, пайдалы ойындар мен кітаптарға көбірек көңіл бөлу.
2. Тәртіптің болмауы
Белгілі бір күн тәртібі болмаса, бала зейінін тұрақты шоғырландыруда қиындық көреді. Шешім: күн тәртібін орнатып, бір уақытта ұйықтап, бір уақытта сабақ оқуды қалыптастыру.
3. Шамадан тыс қамқорлық
Ата-аналар баланың орнынан заттарын жинап, үй тапсырмасын орындап, барлық мәселені шешіп берсе, бала өздігінен назар аударуды үйренбейді. Шешім: жауапкершілікке үйрету, өз бетінше шешім қабылдауына мүмкіндік беру.
4. Физикалық белсенділіктің аздығы
Қозғалыс жетіспесе, миға қан айналымы баяулайды, бұл зейіннің әлсіреуіне әкеледі. Шешім: серуендеу, спортпен айналысу, белсенді ойындарға қатысу.
5. Дұрыс мотивацияның болмауы
Егер бала бір нәрсеге қызықпаса, ол оған назар аудармайды. Шешім: тапсырмаларды қызықты әрі ойын түрінде беру, жетістігін мадақтау.
6. Ұйқы мен тамақтану тәртібінің бұзылуы
Ұйқысы дұрыс болмаса немесе дәрумендер жетіспесе, бала әлсіз әрі зейінсіз болады. Шешім: дұрыс тамақтану, уақытында ұйықтауын қадағалау.
Қорытынды:
Зейінсіздік – түзетуге болатын мәселе. Ата-ана шыдамдылық танытып, балаға дұрыс жағдай жасаса, оның зейіні күшейіп, оқуға деген ынтасы артады!